Kurdischsprachige- oder über Kurdengeschriebene Bücher und
Übersetzungen. Pirtukxane die Informationsquelle der kurdischen Bücher Weltweit

Sende uns dein Buch

 

 

 

 

Dr. Eskerê Boyîk


Jiyan

Eskerê Boyik helbestvan û nivîskarekî kurdê Ermenîstanê ye.

Dr. Eskerê Boyîk di sala 1941ê de li gundê Qundexsazê (niha Riya Teze), li Ermenistanê hatiye dinyayê. Berê li gundê xwe, paşê li gundê cîran: Elegezê xwendina navîn standiye. Sala 1966an Enstîtuya bajarê Yêrêvanê ya Malhebûna Gundîtiyê xelas kiriye. Teza kandîdatê ulmê ekonomiyê standiye. Gelek berhemên wî yên ilmî (pirtûk, biroşûr, gotar) di derheqê pirsgirêkên aboriya malhebûna gundîtiyê de bi zimanê ermenî û rûsî çap bûne.

Di salên 1960î de helbest û gotarên wî di rojnameyan de çap bûne, di radyoyê de hatine weşandin. Helbest û nivîsên wî rojname û kovarên mîna Özgürlük Yolu, Riya Teze, Deng, Dema Nû da hatîye weşandin.

Mijara helbestên wî zêdetir xweza û evînîye û bi devoka kurdên ermenîstanê nivîsîye. Gelek helbestên wî li tirkî jî hatîye wergerandin. Dr. Eskerê Boyîk niha jî li Almanyayê dijî.


Berhem:

Xebatên wî yên ko heta niha di nav weşanên »Weşanxaneya Xanî & Bateyî« û weşanxaneyên dî de hatine weşandin jî ev in:

  1. Şiverê, helbest, Yêrêvan, 1966.
  2. Kulîlkên Çiya, helbest, Yêrêvan, 1975.
  3. Kulîlka Çiya, 1972 Ermenîstan (bi alfebaya kirîl), 1979 Îstenbol weşanxaneya Özgürlük Yolu (bi alfebaya latînî),
  4. Sinco keça xwe dide mêr, şano, Yêrêvan, 1980.
  5. Heyf, 1980.
  6. Birînê rojên bihurî, 1982.
  7. Tîrênc, (di berhevoka Bahar de), helbest, Yêrêvan, 1987.
  8. Mem û Zîn, şano, Stokholm, 1989.
  9. Li Çiya, kurteçîrok, Yêrêvan, 1991.
  10. Duaya Serê Sibê, helbest, Roja nû, 1997.
  11. Oda Çîrokan 1, helbestên zarokan, Roja nû, 1997.
  12. Kulîlkên Birîndar, helbest, Stokholm, 1998.
  13. Govenda Herfan, helbestên zarokan, Stokholm, 2002.

 

Empfehlenswert